Hipokrizi dhe pabarazi ekstreme!

Pas propagandës së Edi Ramës dhe Belinda Ballukut për ulje njëlekshe të çmimit të energjisë elektrike për abonentë familjarë, ka reaguar kreu i demokratëve i cili e ka quajtur hipokrizi dhe pabarazi ekstreme që po u bëhet shqiptarëve.

“Memoria e Edi Ramës është një mashtrim i plotë. Kjo lëvizje do të thoë, të pasurit bëhen më të pasur, të varfërit mbeten aty ku janë. Sepse të ulësh çmimin e energjisë për ata që konsumojnë 700 MËh siç konsumon ai në sarajet e Surrelit, apo ndonjë tjetër, do të thotë ta ulësh për vehten tënde. Ta ulësh në 85 lek nga 95 lek njëlloj si për atë që merr 100-milion lek në vit me atë që merr 3-4 milionë në vit është hipokrizi dhe pabarazi ekstreme. Partia Demokratike qëndron e palëkundur në uljen në përpjestim të plotë me rrogat për të gjithë qytetarët që marrin një rrogë mesatare e poshte. Ulja e padiskutueshme për bizneset në tërësi, biznesit të vogël në veçanti.”,- tha Berisha. Ndërsa me heret Sekretari i Përgjithshëm i PD, Gazment Bardhi reagoi pasi kryeministri Edi Rama njoftoi uljen e çmimit të energjisë nga 9.5 në 8.5 lekë për familjet të cilat konsumojnë deri në 700 kilovat.

Përmes një reagimi në rrjetet sociale, Bardhi shprehet se ulja e çmimit të energjisë me 1 lek është tallje.

Ai solli në vëmendje se qeveria përgjatë 10 viteve e rriti çmimin e energjisë për konsumatorin në mënyrë që zv/kryeministrja Belinda Balluku të kishte më shumë të ardhura, siç u shpreh ai, për të vjedhur me tendera.

“Shqiptarët për shkak të abuzimeve të Edi Ramës dhe Belinda Ballukut në sektorin e energjisë paguajnë çmimin më të shtrenjtë të energjisë në rajon”, thekson Bardhi.