Reagon Hoti pas deklaratave të Vuçiç: S’janë në dobi të paqes mes dy vendeve. Serbia u zotua që…

Kryeministri i Kosovës Avdullah Hoti ka komentuar deklaratat e forta të Vuçiçit i cili tha se nëse nuk do të ketë dialog me Kosovën, atëherë situata mund të përshkallëzohet në konflikt të dhunshëm.

Vuçiç bëri një krahasim me rajonin e Nagorno-Karabakh ku po luftojnë Azerbajxhani me Armeninë.

Ndërkohë Hoti thotë se këto deklarata nuk i shërbejnë marrëdhënies mes dy vendeve teksa sqaron se Serbia ka bërë zotime të tjerë në garancinë e ndërkombëtarëve, dhe këto deklarata të Cuçiç janë në kundërshtim me këto zotime.

Më tej Hoti thekson se Kosova vazhdon të mbetet e përkushtuar në rolin e saj konstruktiv në të mirë të paqes, stabilitetit dhe prosperitetit të gjithë rajonit.