RENEA operacion të madh në Shkodër me urdhër SPAK

Detaje të reja janë zbardhur nga operacioni i gjerë policor që është zhvilluar në Shkodër.

Forcat RENEA kanë kryer kontrolle intensive në Shkodër dhe fshatrat përreth nga mbrëmja e së mërkurës deri në orët e para të mëngjesit të së enjtes, 12 dhjetor 2024.

Mësohet se SPAK dhe RENEA po kryejnë kontrolle për atentatin e 30 tetorit ku u vranë me armë Hamza Lici dhe Arlind Bushati, si dhe humbën jetën aksidentalisht çifti i bashkëshortëve Flutura dhe Bashkim Basha të cilët ndodheshin në vendin e ngjarjes.

Operacioni është fokusuar në banesat e personave me precedent penal.

Ndërkohë, janë shoqëruar në polici disa persona. Janë sekuestruar disa armë dhe 5 makina të blinduara të cilat pritet të analizohen për të verifikuar nëse janë përdorur në ngjarje kriminale të mëparshme.