Rezultatet/Barça dhuron spektakël me Bayern Munich

Zhegrova ndëshkon Atletikon

Gola, spektakël dhe shumë emocione. Ndeshjet e fundit në raundin e tretë në Champions League, kishin gjithçka brenda.

Barcelona triumfoi me shifrat e thella 4-1 ndaj Bayern Munich në shtëpi.

Më i miri ishte padyshim Raphinha që realizoi tripletë, ndërsa goli tjetër për katalanasit u shënua nga Lewandowski, i cili nuk festoi ndaj ish-skuadrës së tij. Golin e vetëm për bavarezët e shënoi Harry Kane.

Fitore spektakolare e Manchester City. Anglezët asfaltuan 5-0 Spartën e Pragës, në një sfidë pa histori.

Edon Zhegrova gjeti golin e parë në Champions League e këtij sezoni. Sulmuesi shqiptar shënoi në portën e Atletico Madrid për t’i hapur udhë përmbysjes së Lille që mori pikët e plota pas fitores 3-1.

Sukses shënoi edhe Inter 1-0 në fushën e Young Boys. Me shifra të njëjta triumfoi edhe Liverpool në Gjermani kundër Leipzig. Ndërkaq, fitore komode shënuan Dinamo Zagreb 2-0 ndaj Salzburgut, teksa Feynoord mposhti 3-1 Benfica-n.

REZULTATET:

Barcelona-Bayern Munich 4-1

Leipzig-Liverpool 0-1

Atl Madrid-Lille 1-3

Man City-Sparta Pragë 5-0

Young Boys-Inter 0-1

Salzburg-Dinamo Zgareb 0-2

Benfica-Feyenoord 1-3