Rikthehet magjia e Champions League, super sfidat e mbrëmjes

Liga e Kampioneve rikthehet sot me raundin e katërt, duke sjellë një mbrëmje të zjarrtë futbolli në Europë. Plot nëntë ndeshje do të luhen sot, me përballje që premtojnë emocione, gola dhe spektakël.

Supersfidat e mbrëmjes janë pa dyshim Liverpul–Real Madrid dhe PSG–Bajern Mynih, dy duele që mund të quhen finale të parakohshme. Të dyja takimet do të luhen në orën 21:00, në atmosferë elektrizuese.

Gjithçka nis më herët, në orën 18:45, me dy përballje interesante: Slavia e Pragës–Arsenal dhe Napoli–Eintracht Frankfurt, që mund të vendosin shumë për fatet e grupeve.

Në mbrëmje, spektakli vazhdon me emra të mëdhenj të futbollit europian. Juventusi përballet me Sportingun e Lisbonës, ndërsa Atletiko Madridi kërkon fitoren kundër Union Gilloise.

Nuk mungojnë as përballjet e tjera të forta: Bodo/Glimt–Monako, Olimpiakos–PSV, dhe Totenhem–Kopenhagen, që plotësojnë një mbrëmje të madhe Champions-i.

Orari i ndeshjeve të sotme

18:45

• Slavia Pragë – Arsenal

• Napoli – Eintracht Frankfurt

21:00

• Atletiko Madrid – Gilloise

• Bodo/Glimt – Monako

• Juventus – Sporting Lisbonë

• Liverpul – Real Madrid

• Olimpiakos – PSV

• PSG – Bajern Mynih

• Totenhem – Kopenhagen

Sonte, futbolli europian flakëron në çdo fushë. Të gjithë sytë janë nga Anfield dhe Parc des Princes, aty ku pritet të vendosen fatet e mëdha të këtij sezoni të Champions-it.