Fax News raporton se si pasojë e shirave, ka pasur rrëshqitje masive dherash dhe gurësh në Grykën e Vanave dhe Grykën e Valbonës.
Rritje e liqenit ka bllokuar rrugën dhe si pasojë kanë mbetur të bllokuar 20 familje të fshatit Breg-Lum në Kukës.
Mësohet se kompanitë e mirëmbajtjes së rrugëve ndodhen në terren dhe po punojnë për pastrimin. Nuk raportohen probleme në furnizimin me energji elektrike, pasi liqeni i Fierzës ndodhet në kuotën e 295.50 cm.
Në punë janë 4 agregate, ndërsa prurjet janë 600 meter kub në sekond.
Po prodhohet me kapacitet të plotë dhe aktualisht nuk ka shkarkime.
Mësohet se liqenit të Fierzës i duhet edhe 50 cm që të arrijë kuotën maksimale.
