Rrëzohet avioni rus An-26 mbi Krime, 29 viktima

Një avion transporti rus i tipit Antonov An-26 është rrëzuar gjatë një fluturimi mbi Krime, duke shkaktuar vdekjen e 29 personave në bord.

Sipas Ministrisë së Mbrojtjes ruse, në mesin e viktimave janë 6 anëtarë të ekuipazhit dhe 23 pasagjerë. Kontakti me avionin u ndërpre gjatë pasdites, ndërsa ekipet e kërkim-shpëtimit lokalizuan vendin e rrëzimit.

Autoritetet kanë nisur hetimet për shkaqet e aksidentit. Deri tani nuk ka konfirmim për ndërhyrje ushtarake, ndërsa dyshimi kryesor mbetet një defekt teknik.