Rritja mesatare e çmimeve të apartamenteve në Tiranë në 6-mujorin e parë të 2022 është e krahasueshme me shtrenjtimin e pronave në Podgoricë, Malin e Zi, sipas analizave të tregut nga Banka e Shqipërisë dhe Banka Qendrore malazeze. Çmimet mesatare të apartamenteve në Tiranë kanë shënuar një rritje prej 15.6% krahasuar me të njëjtën periudhë në vitin 2021, duke arritur në nivelin e 1,175 euro për metër katror. Një trend të ngjashëm ka shënuar edhe tregu i pronave në Podgoricë, ku çmimet mesatare për apartamentet kanë rritur 15.7% dhe kanë arritur në nivelin e 1,248 euro për metër katror. Megjithatë, çmimet individuale të pronave ndryshojnë në bazë të lokacionit, duke u shënuar vlera më të larta në qendër dhe vlera më të ulëta në periferi.
