Sali Berisha depoziton formularin e vetëdeklarimit në Kuvend

Ish-kryeministri Sali Berisha ka depozituar formularin e vetëdeklarimit në Kuvend, ku thotë se është anëtar i Partisë Demokratike, raporton gazetari i “Panorama” Mariglen Kume.

Kujtojmë që Sali Berisha është përjashtuar nga grupi parlamentar i PD-së pas vendimit të marrë nga kryedemokrati Basha.

Në reagimin e tij Sali Berisha e konsideroi vendimin e Bashës nul dhe ndër të tjera gjatë një interviste televizive ai u shpreh se do të marrë pjesë në mbledhjet e grupit parlamentar të PD-së “sa herë që t’i teket”.

Pak minuta pas nisjes së seancës, Basha dhe deputetët demokratë, përfshirë dhe ish-kryeministrin Sali Berisha, kanë braktisur seancën e Kuvendit.