Sara qan në krahët e Bardhit pas përplasjes fizike me Françeskën

Modelja Sara Gjordeni ka qarë në krahët e Bardhit pas përplasjes fizike që pati me ish-Missin, Françeska Murati në BBV.

Këngëtari iu është drejtuar duke i thënë se ajo është “personi më i mirë në botë për mua”.

Ai theksoi se Sara do të jetë nëna e fëmijëve të tij, duke shtuar se është shembull në Big Brother.

“Ti je personi më i mirë në botë për mua. Ti je nëna e fëmijëve të mi. E di se çfarë shembulli je këtu brenda?”, tha ai.

Debati mes Sarës dhe Françeskës degradoi në ofendime të rënda dhe përplasje fizike, pasi modelja i mbylli derën e banjos ish-Missit dhe tentoi ta shtynte brenda bashkë me të.

Sherri mes dy vajzave, ditën e djeshme, që nisi pjesën e pastërtisë, agravoi në tualet, ku Sara donte ta shtynte Françeskën në banjo bashkë me veten për të shkuar në nominim ‘kokë më kokë’.

Edhe Françeska i është ‘kundërpërgjigjur’ duke e shtyrë Sarën, në mënyrë që të mos përfundonin brenda të dyja.

“Më shtyve, unë do të të nxjerr me zarf të zi se më shtyve”, tha Sara.