Sekretari i Këshillit Bashkiak letër Veliajt: Mund të jetë i pranishëm, por…

Sekretari i Këshillit Bashkiak të Tiranës, Behar Zeneli, i ka bërë me dije kryetarit të bashkisë, Erion Veliaj, se nga ana e institucionit nuk ka asnjë vendim që i ndalon pjesëmarrjen në mbledhjen e sotme të Këshillit, ku do të diskutohet propozimi për shkarkimin e tij.

Zeneli i ka sugjeruar Veliajt që, nëse nuk mund të marrë pjesë fizikisht, kundërshtimet dhe pretendimet e tij mund t’i dorëzojë me shkrim. Kryebashkiaku ka reaguar duke theksuar se sekretari nuk mund të vendosë për praninë e tij, pasi roli i tij është thjesht administrativ.

Megjithatë, Komisioni i Çështjeve Ligjore të Këshillit Bashkiak ka vendosur të refuzojë kërkesën e Veliajt për të qenë prezent, edhe pse disa nga këshilltarët e Partisë Socialiste, që propozuan shkarkimin, votuan kundër pranisë së tij.