Serbët quajnë skandal, bluzen e Ylber Ramadanit

Teksa të gjitha mediat kanë shkruar për suksesin e Shqipërisë për kualifikimin në Euro 2024, mediat serbe quajnë skandal bluzën e Ylber Ramadanit.

Mesfushori i kombëtares shqiptare, dje pas kualifikimit veshi bluzën me portretin e Ademi Jasharit.

Media serbe, Kurir, e ka quajtur këtë një skandal, pasi sipas tyre Adem Jashari është një terrorist.

Të gjithë i ka habitur kjo në Serbi, por mesa duket serbët nuk e dinë që të gjithë tifozët shqiptarë, njëzëri, këndojnë këngën e Adem Jasharit, para ndeshjes, gjatë ndeshjes dhe pas ndeshjes.

Kujtojmë se Shqipëria u kualifikua për në Euro 2024 pas barazimit që mori në Moldavi. Kuqezinjtë kanë dhe një ndeshje, me Ishujt Faroe në “Air Albania”.