Shalqini dhe pjepri, mr kimikate të rrezikshme për konsumatorin!

Shalqini dhe pjepri janë prodhuar me vlera mbi normat e lejuara të nitriteve dhe nitrateve të përdorura.

Kreu i qendrës së mbrojtjes së konsumatorit, Hasan Stafa është shprehur për “Ora News”  se këto produkte janë të rrezikshme për konsumatorin.

“Sipas analizave që kemi ne së shpejhti do të deklarohen 6-7-8  herë mbi normat e lejuara të nitrateve dhe nitriteve që janë përdorur për të rritur tregun e prodhimit. Dhe këto produkte janë produkte të rrezikshme për konsumatorin”.

Sipas Stafës, shqetësime  ka pasur edhe në produktet e brumit, të cilat kanë sjellë edhe probleme me intoksikimin e qytetarëve, që më pas i janë drejtuar qendrave shëndetësore.

 “Siç janë sufllaqet,  hamburgerat etj , kanë pasur raste kur konsumatorët kanë pasur probleme sepse produktet nuk janë të sigurta siç janë sallamet, djathërat nuk tregtohen siç duhen por nën rrezet e diellit”.