Shtetet e Bashkuara, Britania dhe Franca kanë filluar sulmet ushtarake kundër qeverisë siriane të presidentit Bashar al-Asad, kjo pas përdormit të armëve kimike kundër civilëve.
Lajmin e dha vetë presidenti i SHBA-ve Donald Trump, gjatë një deklarate për mediat. Ky është sulmi i të dytë që Trump përdor forcën ushtarake ndaj Sirisë.
Trump deklaroi se sulmet në Siri, kanë si synim t’i japin fund përdorimit të armëve kimike nga qeveria e Sirisë.
“Sulmi i keq dhe i neveritshëm la nëna dhe baballarë, foshnja dhe fëmijë, duke u tronditur në dhimbje dhe duke kërkuar për ajër. Këto nuk janë veprimet e një njeriu; ata janë krime të një përbindëshi në vend”, tha Trump.
Lidhur me sulmet ka folur edhe kryeministrja britanike Theresa May, e cila deklaroi se veprimi i aleatëve nuk synon “përfshirjen në një luftë civile”.
“Nuk ka të bëjë me ndryshimin e regjimit. Është një goditje e kufizuar dhe me objektiva të qartë, që nuk synon përshkallëzimin e tensioneve në rajpn dhe bën gjithshka mundet për të parandaluar viktimat mes banorëve civilë”, tha May.
Kujtojmë se javën e kaluar u vranë të paktën 75 vetë dhe qindra të tjerë mbetën të sëmurë, pas një sulmi të supozuar me armë kimike në qytetin e Dumës, në Siri. SHBA dhe aleatët besojnë se sulmi është kryer nga vetë nga qeveria e Sirisë. Mirëpo Bashar al-Asad e ka mohuar një gjë të tillë.
Sipas “Reuters”, shpërthimet janë dëgjuar në Damask, kryeqytetin e Sirisë, në momentet kur Trump po mbante fjalimin përpara mediave.
Pentagoni ka lajmëruar se tri objektivat e goditur, janë një laborator kërkimor në Damask, i lidhur me prodhimin e armëve kimike dhe biologjike, një magazinë ku mbaheshin armë kimike në qytetin Holms dhe një magazinë tjetër ku mbaheshin pajisje për prodhim armësh dhe shërbente si qëndër e rëndësishme komande, po në afërsi të Holmsit.
