Shefi i OBSH paralajmëron Evropën: Mos bëni gabim, jemi në mes të një st

Grafikët që paraqesin numrin e infeksioneve të përditshme në vende të tilla si SHBA zbulojnë sesi rritjet dramatike përgjatë muajit mars tani kanë filluar të stabilizohen.

Ndërkohë pikat e mëparshme të nxehta si Italia dhe Spanja tani po shohin gjithnjë e më shumë rënie të rasteve të reja të infektuar, një muaj pasi masat e bllokimit në mbarë vendin u vendosën për herë të parë.

Dr Hans Kluge, drejtori i OBSH-së për Evropën, tha se kishte ‘shenja optimiste’ se virusi ka filluar të zvogëlohet në disa pjesë të kontinentit – por këto shenja bien nga lajmet e këqija diku tjetër.

Ai veçoi Mbretërinë e Bashkuar, Bjellorusinë dhe Rusinë, si arsye për të besuar se Evropa është ende “në sytë e stuhisë së COVID-19′.

“Nga 10 vendet e rajonit me numrin më të madh të rasteve, ka pasur shenja optimiste përsa i përket numrave të të infektuarve në Spanjë, Itali, Gjermani, Francë dhe Zvicër javët e fundit.

Por sinjalet e vogla pozitive në disa vende bien nga nivelet e qëndrueshme ose rritjes së numrit të të infektuarve në vende të tjera, përfshirë Mbretërinë e Bashkuar, Turqinë, Ukrainën, Bjellorusi dhe Rusi”.

Sot Mbretëria e Bashkuar raportoi 4,618 raste të reja dhe 861 vdekje më shumë, të dyja shifrat pak më të larta se dje, duke e çuar numrin në total të të infektuarve në mbi 100,000. Shifrat më të fundit janë 103.093 raste dhe 13,729 vdekje.

“Javët e ardhshme do të jenë kritike për Evropën,” tha Kluge. ‘Mos bëni gabim – pavarësisht motit të pranverës, ne jemi në mes të një stuhie.’

Duke nënvizuar pohimin e tij është fakt se numri i vdekjeve të përditshme ka vazhduar të rritet në shumë vende edhe kur bien infektimet e reja për shkak të kohës që i duhet një personi të infektuar të sëmuret.

Këtu, grafikët MailOnline zbulojnë se si rritja e rasteve të koronavirusit ka filluar të ngadalësohet: