Shënohet viktima e gjashtë nga koronavirusi në Itali

Është rritur numri i viktimave nga koronavirusi në Itali. Mediat e shtetit fqinj raportojnë se numri i të vdekurve ka shkuar në gjashtë.

Ndërsa frika nga koronavirusi vazhdon rritet, numri i te prekurve shtohet.

Deri tani (ora 14:38) raportohet se deri tani janë 224 të infektuar në Itali.

Viktima e fundit është një grua, e cila humbi jetën në spitalin e Brescia. Ajo u dërgua në spital dje pasi rezultoi pozitive me koronavirus.

Sipas mediave italiane, viktima e peste eshte nje burre 88-vjeçar po nga rajoni i Lombardise.

Ora 08:55

Shenohet viktima e katert nga koronavirusi ne Itali. Mediat fqinje raportojne se viktima e radhes eshte shenuar ne Bergamo.

Ai ishte nje burre 85 vjecar. Nderkohe qe numri i te infektuarve ka arritur ne 152 persona. Italia renditet si vendi i trete me numer rastesh, pas Kinës dhe Korese se Jugut.

Rastet e konfirmuara jane të gjitha në rajonet veriore, të cilat janë duke vendosur karantinen.

***

Një grua nga provinca e Kremones ka ndërruar jetë, duke u bërë kështu viktima e tretë nga koronavirusi në Itali.

Sikurse raportojnë mediat fqinje, gruaja ishte shtruar prej ditësh në repartin e onklogjikut me simptoma të rënduara.

Lajmin për vdekjen e gruas e bëri të ditur Këshilltari i Mirëqenies së Lombardias, Giulio Gallera, i cili tha ndër të tjera se: “Ne kemi 130 janë raste pozitive me koronavirus”.

***

Ne Instituti Kombëtar i Shëndetit Publik në Kosovë ka bërë të ditur se pacientja e dyshuar si e infektuar me koronavirus, ka rezultuar negative ndaj testeve të kryera.

Në një komunikatë për mediat, Laboratori i Mikrobiologjisë Molekulare në Kosovë ka bërë të ditur se pacientja ka pasur ethe, djegie të syve, rrjedhje hunde dhe fytin e ndjeshëm, por ajo rezulton të mos jetë e infektuar nga koronavirus.