Sherri pranë gjimnazit në Shkodër, shkon në 3 numri i të plagosurve

Në lagjen Zdrale të qytetit të Shkodrës është regjistruar një incident i rëndë me përdorim të armëve të ftohta, i cili ka alarmuar banorët e zonës.

Ngjarja ka ndodhur pranë shkollës “Shejnaze Juka”, ku tre të rinj u plagosën nga sende të forta dhe thikë gjatë një konflikti ende të paqartë.

Ata u transportuan menjëherë në spital për ndihmë mjekësore, ku ndodhen nën kujdes të specializuar.

Sipas informacionit nga stafi mjekësor, plagët e të rinjve nuk paraqesin rrezik për jetën e tyre, ndërsa policia ka nisur hetimet për zbardhjen e rrethanave të ngjarjes dhe identifikimin e autorëve.

Banorët e zonës shprehen të shqetësuar për sigurinë në lagje dhe presin që autorët të marrin përgjegjësinë e duhur.