Shkon për të peshkuar,humb jetën peshkatari pasi ra nga…

Shkon për peshkim, bie nga lartësia dhe vdes. Ngjarja ka ndodhur në Sarandë mbrëmjen e sotme, në një zonë shkëmbore pranë plazhit të Manastirit.

Dy persona kane qenë duke peshkuar, kur njëri prej tyre ka humbur ekuilibrin dhe ka rënë nga një lartësi prej 20 metrash.

Shtetasi Eqerem Zeneli, rreth të 70-ve, banues në Sarandë, ka mbetur i plagosur rëndë fillimisht dhe më pas ka ndërruar jetë në spital.

Në ndihmë të tij ka shkuar policia, ambulanca, zjarrfikësja por ka qenë e pamundur ndërhyrja. Ka qenë skafi i policisë kufitare, i cili ka tërhequr të plagosurin nga uji dhe më pas është transportuar për në spital, ku edhe ka ndërruar jetë.