Shoqërohen në polici 40 persona në Tiranë/ Mes të ndaluarve ish-kreu i komunës Farkë

Një operacion i gjerë po zhvillohet në këtë momente nga Policia e Shtetit në qarkun e Tiranës, ku deri më tani janë shoqëruar të paktën 40 persona.

Shoqërimi i tyre është bërë në kuadër të operacioni për personat e implikuar në dëmet e tërmetit të 26 nëntorit.

Operacioni është shtrirë në Vorë, Farkë dhe Kashar.

Mësohet se i shoqëruar në këtë aksion është edhe Fatbardh Plaku ish kreu i komunës së Farkës, si edhe Luan Beta ish shef urbanistike në Vorë.

Ndërkohë që priten të zbardhen edhe emrat e personave të tjerë të shoqëruar.