Shpallet në kërkim Mihal Toshi, i dyshuari kryesor për vrasjen e një biznesmeni, por ja pse nuk mund të arrestohet

Mihal alias Mirgen Toshi është i dyshuari kryesor për krimin e ndodhur më 30 dhjetor të 2011-s në Elbasan, ku mbeti i vrarë me disa plumba, biznesmeni Ilir Rexhepi. Por burime nga policia bejne të ditur se në këtë fazë ku ndodhen hetimet, ai nuk mund të arrestohet pasi ndodhet në një burg të Selanikut në Greqi.

Burimet bëjnë me dije se Mihal Toshi, ndodhet në Selanik të Greqisë, ku po vuan dënimin  me 16 vite burg për trafik droge.

Kujtojmë se Mihal Toshi, është vëllai i Damiano Toshit, i cili është dënuar nga gjykata e Elbasanit me burgim të përjetshëm për vrasjen e dy basketbollistëve të “Skëndërbeut” në Korçë, Sokol Jahollarin dhe Rafael Rizan, si dhe plagosjen e Julian Beckës.

Toshi është zbuluar nga një analizë ADN-je gjaku, njolla të cilat u gjendën në vendin e krimit, ku u ekzekutua Ilir Rexhepi në Elbasan.