Shpërthen boksi elektrik në Shkodër, vdes punonjësi i OSHEE

Një ngjarje e rëndë është regjistruar në zonën e Perashit, në Shkodër, ku një person ka humbur jetën pas një incidenti me energjinë elektrike në një pallat banimi.

Sipas informacioneve paraprake, viktima ishte punonjës i OSHEE-së dhe ndodhej në krye të detyrës në momentin e ngjarjes. Gjatë hapjes së kutisë elektrike për kontrollin e matësit, ka ndodhur një shpërthim i menjëhershëm, i cili i ka shkaktuar dëmtime të rënda.

Punonjësi është transportuar me urgjencë drejt Spitalit Rajonal të Shkodrës, por për shkak të plagëve të marra nuk ka arritur t’i mbijetojë.

Autoritetet po hetojnë rrethanat e plota të ngjarjes për të përcaktuar shkaqet që çuan në këtë incident fatal.