“Messit i kanë sjellë probleme në tru hormonet”

Deklarata të forta dhe një këndvështrim pa filtra. Portieri i njohur shqiptar Stivi Frashëri ka trazuar opinionin sportiv me komentet e tij mbi Kupën e Botës, duke e cilësuar turneun si një produkt të pastër biznesi dhe jo një garë të drejtë sportive.

I ftuar në podcastin OFFSIDE, Frashëri nuk i kurseu kritikat ndaj FIFA, duke deklaruar se organizata më e madhe e futbollit botëror po e orienton Kupën e Botës drejt vendeve që paguajnë më shumë, si Katari apo SHBA.

“FIFA e ka kthyer Botërorin në biznes. Po e shet aty ku ka më shumë para. Më vonë do dalin shumë të vërteta,” u shpreh ai.

“Argjentina nuk ishte e njëjta, gjithçka dukej e dirigjuar”

Frashëri ngriti pikëpyetje të forta mbi rrugëtimin e Argentina national team drejt trofeut, duke sugjeruar se performanca e tyre në finale nuk ishte natyrale.

“Nuk ishte e njëjta Argjentinë në finale. Dukej sikur gjithçka ishte e prerë para se të niste ndeshja.”

Ai u ndal veçanërisht te ndeshja me England national team, duke e cilësuar pjesën e parë si “të dhunshme dhe përtej futbollit”, ndërsa arbitrimi sipas tij ishte skandaloz.

“Me atë arbitrim, Anglia mund të pësonte gol nga mesi i fushës dhe nuk do kishte reagim.”

VAR dhe vendimet e dyshimta

Një tjetër pikë kritike ishte përdorimi i teknologjisë VAR, ku Frashëri pretendon standard të dyfishtë në favor të Argjentinës.

“Vetëm Argjentinës nuk iu kthye asnjëherë një fragment VAR-i. Ka raste flagrante, si kartoni i kuq ndaj Anglisë – ishte një grusht i pastër në kokë.”

Ai përmendi edhe raste të tjera, si goli i anuluar i Spain national team, duke theksuar se vendimet janë marrë me fragmente të shpejta dhe të diskutueshme.

Komenti për Messin ndez debat

Frashëri nuk i shpëtoi as Lionel Messi, duke komentuar një deklaratë të tij gjatë turneut.

“Kur Messi thotë ‘a je i kënaqur për golin?’, ose ka problem, ose nuk e kupton çfarë po thotë. Si mund t’ia thuash këtë një sulmuesi?”

Madje ai shkoi më tej, duke e lidhur këtë me aspektin fizik të lojtarit:

“Mua më duket sikur ato hormonet i kanë krijuar probleme.”

“Franca–Anglia, futboll i pastër”

Në kontrast, Frashëri vlerësoi maksimalisht ndeshjen mes France national team dhe Anglisë, duke e cilësuar si shembullin e vetëm të futbollit të vërtetë në turne.

“Ajo ishte ndeshje për t’u festuar. M’u duk sikur donin të jepnin një mesazh kundër padrejtësive. Në fund, duhej të fitonte futbolli.”

Deklaratat e Frashërit pritet të hapin debat të madh, pasi prekin drejtpërdrejt integritetin e Kupës së Botës dhe vendimmarrjet e FIFA-s.