Shpërthim me eksploziv në Shkodër

Mësohet se ngjarja ka ndodhur në lagjen ‘Perash’, ku makina ka shpërthyer si pasojë e vendosjes së një sasie tritoli.

Nga shpërthimi, nuk ka pasur të lënduar, por vetëm dëme materiale.

Policia ka mbërritur në vendin e ngjarjes dhe ka nisur hetimet. Deri tani në pyetje është marrë pronari i makinës për të zbuluar nëse ka pasur konflikte të mëparshme.

“Më datë 25.03.2018, në orët e para të mëngjesit në lagjen “Perash” Shkodër, është dëmtuar me lëndë plasëse mjeti tip Benz me targa AA655MK, në pjesën e prapme të mjetit, në pronësi të shtetasit A. L., 40 vjeç banues në lagjen Perash, të cilën e ka patur të parkuar në rrugë.

Grupi hetimor vijon veprimet  për sqarimin e plotë të rrethanave kësaj ngjarje, identifikimin dhe kapjen e autorit/eve.”, -thuhet në njoftimin paraprak të policisë.