Shpërthimi në pikën e karburantit në Tiranë, arrestohet menaxheri

Policia e Tiranës ka arrestuar menaxherin e karburantit në rrugën “Bardhyl”, pas shpërthimit që ndodhi një ditë më parë në momentin që autoboti po shkarkonte benzinën.

Në pranga ka përfunduar Miklovan Çollaku, nën akuzën se ka shkelur rregullat mbi lëndët plasëse dhe djegëse, ku për pasojë mbeti i dëmtuar ai si dhe shoferi i autobotit.

Ngjarja ndodhi mesditën e së shtunës pranë një pike karburanti në rrugën Bardhyl në kryeqytet.

Sipas të dhënave nga policia, ka pasur një shpërthim të valvulës së sigurisë të dhomës së nëndheshme të gazit ngjitur me karburantin.