‘Shqiponjat’ prangosin në Livadh personin që dyshohet se vrau biznesmenin Niko Goro

Paraprakisht bëhet me dije se autori i dyshuar i vrasjes është kapur në fshatin Livadh, pak kilometra larg Himarës dhe vendit ku u vra Niko Goro. Sipas Policisë, 53 vjeçari nga Tirana ka qenë në ndjekje, ndërsa është gjetur makina dhe arma e vrasjes së biznesmenit.

Niko Goro, biznesmen dhe ndërtues i njohur, është vrarë mëngjesin e sotëm në Himarë. Ngjarja ka ndodhur në hyrje të shëtitiores së Himarës, në orën 08.55. E plagosur nga breshëria e plumbave ka mbetur dhe motra e Goros, e cila ka dalë para plumbave për të mbrojtur të vëllanë.

Njoftim nga Policia: Himarë

Policia  në kohë rekord kap gjatë ndjekjes autorin e dyshuar të vrasjes së 51 vjecarit N.G.

Si rezultat i reagimit në kohë  dhe ndjekjes së pandërprerë të  autorit, u bë e mundur që në vendin e quajtur “Livadhet”,  të kapjen dhe prangosej autori i dyshuar i vrasjes, shtetasi  Kliti Leka , 53 vjeç, banues në Tiranë.

Policia ka sekuestruar armën e dyshuar të  krimit, armë zjarri kallashnikov  dhe automjetin me të cilin u largua autori.

Autori po shoqërohet për në ambientet e Policisë për veprime të mëtejshme.