Shqiptari lyhet me benzinë dhe i vë flakën vetes pse pronari e nxori nga shtëpia

Një 47-vjeçar shqiptar i ka vënë flakën vetes pasi pronari i shtëpisë e ka dëbuar.

Ngjarja ka ndodhur pasditen e djeshme rreth orës 16:30 në Riccione, në Viale Milano. 47-vjeçari me origjinë shqiptare është lyer me benzinë ka vënë flakën vetes para gruas së tij.

Burri, i cili pësoi djegie mbi 70% të trupit, u shpëtua nga disa kalimtarë në rrugë të cilët më pas thirrën 118 dhe policinë.

Stafi i spitalit Ceccarini ndërhyri në vendngjarje, por më pas 47-vjeçari u transportua në Bufalini në Cesena.

Karabinierët e Ricciones po hetojnë gjestin ekstrem të shqiptarit, i cili jeton në qytet, punon si kamarier dhe është i martuar me një shtetase rumune. Sipas një rikonstruksioni fillestar, 47-vjeçari jeton me gruan e tij që nga janari në një apartament në Viale Milano, një zonë shumë qendrore e Ricciones. Pasi ka paguar një depozitë prej 2 mijë euro dhe një qira mujore prej 1 mijë eurosh, ai e ka gjetur veten të dëbuar nga një ditë në tjetrën.

Papritur rreth dhjetë ditë më parë, kur u kthye në shtëpi, pa se brava e shtëpisë ishte ndryshuar dhe të gjitha gjërat ishin grumbulluar në tokë. Që prej asaj dite, ai jeton me gruan e tij në bodrumin përballë banesës.

Tashmë policia po konstaton nëse dhe si janë gjërat me pronarin e pronës pasi çifti para se të dëbohej i është drejtuar edhe Policisë të cilës i kanë bërë denoncim verbal.

Por mungesa e një kontrate të rregullt qiraje do të rëndojë në gjendjen e tyre pasi pa një kontratë çifti mund të akuzohet se ka zënë banesën në mënyrë të paligjshme.