Shtyrja e zgjedhjeve vendore, Taulant Balla tregon kërkesën e mbërritur në Presidencë

Pas konfirmimit të opozitës se do te marre pjesë në zgjedhjet vendore, Presidenti Meta ka nisur konsultimet me krerët e grupeve parlamentare për dekretimin e datës së zgjedhjeve.

Meta zhvilloi një takim me Kryetarin e grupit të PS, Taulant Balla, ndërsa në 11:45 do të jetë në takim me kreun e grupit të PD, Edmond Spaho.

Sipas Kodit Zgjedhor, caktimi i datës se zgjedhjeve bëhet 9 muaj përpara mbarimit të mandatit të kryetareve të qeverisjes vendore.

Zgjedhjet e fundit vendore u zhvilluan në 25 qershor 2015 dhe pritet që data e zgjedhjeve të reja të jetë një nga dy të dielat e fundit të qershorit 2019, praktikisht 23 ose 30 qershor.

Kreu i Grupit të PS-së, Taulant Balla tha pas daljes nga Presidenca se dy datat e mundshme janë dy të dielat e fundit të muajit qershor.

Ai tha se është dhe një skenar i afrimit të zgjedhjeve, dhe kjo kërkesë është bërë nga operatorët turisitik, të cilët kërkojnë, që zgjedhjet të mos behën në verë.

“Është diskutuar që dy të dielat e qershorit mund të jenë datat e mundshme të zhvillimit të zgjedhjeve vendore, ka pasur në fakt nga operatorët turistik një kërkesë të kahershme për të një datë më herët sesa fundi i qershori, por kjo është një çështje që i takon dakordësisë mes të gjithëve”, tha Balla. E.Koçi

Deklarata e Taulant Ballës

Duke e falënderuar Presidentin për vijimësinë e një tradite shumë vjeçare për konsultimin me partitë politike kryesore për dekretimin e datës zgjedhjeve vendore, qershorit 2019.

Është diskutuar që dy të dielat e qershorit mund të jenë datat e mundshme të zhvillimit të zgjedhjeve vendore, ka pasur në fakt nga operatorët turistik një kërkesë të kahershme për të një datë më herët sesa fundi i qershori, por kjo është një çështje që i takon dakordësisë mes të gjithëve.

Presidenti i Republikës do të bëj këtë proces konsultash dhe shumë shpejt të caktohet data.

Ne nuk propozojmë datë, se datën e përcakton Presidenti i Republikës dhe Kodi Zgjedhor.