Si e përdori skemën nipi i autorit të dyshuar të vrasjes së 40 vjeçarit Billa

Duke përdorur kartën e klientit korrekt, Sebastian Mali mbërriti në një  pikë servisi në Laprakë, tre orë para vrasjes së Hekuran Billës. Nën justifikimin se kishte takim me të dashurën, ai kërkoi makinën e tyre.

Ai iu lut punonjësit të servisit që të parkonte makinën “Smart” në servis dhe të merrte me vete një makinë “Nissan Micra”, që më vonë shfaqet në një radhë kamerash sigurie teksa i paraprin makinës së vrasësve që mbrëmjen e 11 qershorit që qëlloi me 19 plumba Billën.

Sipas prokurorisë, kjo zbuloi skemën e përdorur nga vrasësit. Pikërisht me këtë “Nissan Micra” u shoqërua automjeti që më pas u gjet i djegur pas krimit në fshatin Pezë.

Sipas burimeve të sigurta të Top Channel, Sebastian Mali e mori mjetin rreth orës 20 e 30 minuta të datës 11 qershor, me justifikimin se do të takonte të dashurën. Ai u rikthye në orën 23:00 për të marrë më pas makinën e tij që kishte parkuar në servis.

Për këtë nder, ai i kishte qerasur punonjësit e servisit me një pije freskuese, por edhe makina “Smart” nuk ishte në pronë të të riut, ishte marrë me qira në Shkodër.

Hetimet zbuluan se ai e mori me qira “Smart-in” më dy mijë lekë dita dhe pas krimit motra e tij u paraqit dhe pagoi detyrimin përkatës.

Nga këqyrja e sistemit TIMS, rezulton se Viktor Marku ka dalë nga Shqipëria në datën 19 janar thonë burime të prokurorisë, që saktësojnë se pavarësisht kësaj alibie një dëshmitar në Shkodër i rrëfeu policisë se mjetin “Smart” ja kishte dhënë Viktor Markut, që është vëllai i Prel Markut, i vrarë nga Hekuran Billa në Britaninë e Madhe.

Mbi këto dyshime të sot do të dalë përpara gjykatës, nipi i Viktor Markut, Sebastian Mali, i cili dyshohet për vrasje, ndërsa daja i tij pritet të dal përpara gjykatës në fillim të javës.