59 viktima nga zjarri në klubin e natës, 155 të plagosur dhe 18 prej tyre në gjendje të rëndë!

Godina në të cilën funksiononte diskoteka “Pulse” ishte një ndërtesë e vjetër dhe e papërshtatshme për një qëllim të tillë. Ajo funksiononte jashtë kushteve të sigurisë.

Ky objekt, që gjendet afër një banese në Koçan, më parë ka qenë depo qilimash. Përveç kësaj, objektit i është dhënë leje nga komuna për të qenë diskotekë.

Disko private funksionon prej disa vitesh në këtë objekt dhe ka ndërruar disa herë pronar. Pronari aktual, tashmë i arrestuar, ka qenë gjithmonë pjesë e strukturës pronësore të diskotekës, sipas medias vendase.

Siç shihet nga pamjet, zjarri ka shkatërruar çatinë dhe dhe ka djegur plotësisht pjesën e brendshme të objektit ku ndodhej disko “Pulse” në Koçan, në të cilin sipas informacioneve të publikuara nga ministri i Punëve të Brendshme Pançe Toshkovski kanë humbur jetën të paktën 59 persona.

Diskoja private ku ra zjarri në Koçan funksiononte prej disa vitesh dhe pronari i arrestuar ditën e sotme, prej disa kohësh kishte marrë pronësinë e objektit. Licenca e funksionimit të diskotekës i ka skaduar më 24 mars 2024. Sipas informacioneve, aktualisht nuk ka licencë të pavlefshme, pasi licenca e fundit është lëshuar më 13 mars 2023 dhe ka qenë e vlefshme për një vit.

Policia ka arrestuar disa persona për këtë ngjarje tragjike. Paraprakisht dyshohet se shkak i zjarrit në diskotekë është bërë hedhja e mjeteve piroteknike.

Të paktën 59 persona humbën jetën mëngjesin e sotëm në qytetin lindor të Maqedonisë së Veriut, Koçan, si pasojë e shpërthimit të zjarrit gjatë një koncerti me mbi 1.500 pjesëmarrës në një klub nate. Mbi 155 persona janë plagosur dhe mbi 80 prej tyre janë transferuar në spitalet e Shkupit. Ndërkohë, raportohet se 18 prej tyre ndodhen në gjendje kritike për jetën.