Ky është autori i krimit të rëndë

Një 55-vjeçar është qëlluar për vdekje me breshëri kallashnikovi nga bashkëfshatari i tij. Ai u qëllua mëngjesin e kësaj të mërkure në fshatin Zgërdhesh të Krujës.

Mësohet se shkak i sherrit mes tyre është bërë një konflikt që kanë pasur më parë për prerjen e druve në pyll.

Viktimë ka mbetur Luan Hushi, i cili pasi u plagos u dërgua në Spitalin e Traumës në Tiranë. Hushi nuk mundi t’i mbijetojë plagëve që kishte marrë në bark.

Policia ka identifikuar dhe shpallur në kërkim autorin e dyshuar, Klodian Keqi. Pas debatit që kanë pasur, dyshohet se Keqi ka qëlluar me kallashnikov Hushin dhe më pas është larguar. Policia ka ngritur dronin për të bërë të mundur lokalizimin e autorit të dyshuar.