Situata e zjarreve, Rama: 13 vatra aktive në gjithë Shqipërinë

Kryeministri Edi Rama ka reaguar për situatën e zjarreve që kanë përfshirë Shqipërinë.

Ai njofton se aktualisht ka 13 vatra zjarri aktive duke filluar nga gadishulli i Karaburunit e deri në Shkodër, ku nuk rrezikohen banesa.

Vetëm në Fushë-Arrëz rrezikohet përhapja e flakëve në zonat e banuara.

Kreu i qeverisë thotë se në vatrën e zjarrit në kodrën e pishave në fshatin “Arshi Lengo” po punojnë të gjitha forcat operacionale me një helikopter.

Postimi i kryeministrit:

Aktualisht ka 13 vatra zjarri në të gjithë vendin përkatësisht në; Gadishullin e Karaburunit. Pa rrezik banesash. Shkodër, në fshatin Cukal. Pa rrezik banesash.Në Fushë-Arrëz e cila paraqet rrezikshmëri për kalimin në zona të banuara, është dërguar edhe një mjet helikopter për mbështetje nga ajri.

Gjirokastër, vijon zjarri vatrave në luginën e Lunxhërisë. Nuk ka rrezik për banesat. Po punojnë forcat e FA dhe të tjera nga toka. Vatra e zjarrit në kodrën e pishave në fshatin “Arshi Lengo”, po punojnë të gjitha forcat operacionale dhe një mjet helikopter. Në bashkinë Tepelenë. Pa rrezik banesash.

Pyllin e fshatit Shetaj. Pa rrezik banesash. Në bashkinë Durrës, fshati Manskuri. Pa rrezik banesash. Dibër, fshati Lukan. Pa rrezik banesash. Në bashkinë Mallakastër. Pa rrezik banesash. Elbasan. Fshati Shelcan. Pa rrezik banesash.