Sot u shkarkua ‘ shoferi’ i Klement Balilit

Përditësuar më 5 Tetor 2021, 19:19

Naim Noka  /Ardi Veliu  do të mbahet mend për  gafat e tij  pikante dhe  me nivel te larte humori policor. Do të kujtohet për skandale të shumta gjatë drejtimit të tij në policinë e shtetit.

Përdore  mbi protestuesit e opozitës dhe shoqërisë civile gazin lotsjellës pa u menduar dy herë.

Do të mbahet mend si shoferi i trafikantit të drogës Balili.   Bashkëpunëtor  i krimineleve dhe i fortë   me  të pambrojturit  dhe  qytetarët e varfër të ketij vendi.

Ka arrestuar gazetarē, dhe protestues të shoqërisē civile. E ngriti dhunën dhe frikën policore në armë për të mbrojtur pushterin e Ramës. Policia e shtetit  u përdor për të suportuar  deshirat dhe idetë e kryeministrit Rama në facebook kur caktonte orën policore sipas humorit të ditës nga shtëpia. Përdori gaz lotsjellës për të nxjerrë fëmijët nga shtëpitë  e tyre  për t’i prishur. Përdori forcat speciale   kundër artistëve që mbronin Teatrit Kombëtar.   Në Elbasan dy ditë para zgjedhjeve u bë palë në  bashkërendim me të fortët e kriminelët duke gënjyer live për ngjarjen  ndërkohë që faktet ishin ndryshe

Nuk arriti tē garantojë  zgjedhjet dhe vjedhjen e votës. Trafiku i drogës dhe kultivimi në vend njohu rekorde të reja gjatë drejtimit të tij.  Por Ardi Veliu kishte  tagrin  nga drejtori i vërtetë i policisë Edi Rama .

Kryeministri e mbrojti kur policet e tij vranë tē riun Klodian Rasha dhe sajuan disa variante gënjeshtrash mbi vrasjen. Siguria që Rama kishte tek përdorja e  Ardi Veliut na kujton edhe një herë deklaratën e kryeministrit :  ‘ Edhe 100 mijë vetë të mblidhen në shesh, nuk e heq Ardi Veliun’. Largimi i tij nga drejtimi i Policisë së Shtetit vjen në një moment kur javën e kaluar, u vra nënkomisari i Policisë së Lezhës, Saimir Hoxha, teksa po kontrollonin për shkatërrimin e parcelave me kabais.

Tani sigurisht që zgjedhjet mbaruan, opozita  po kacafytet për nderin e Berishës dhe  Veliu e mbushi kupën dhe fundja nuk i duhet më as të madhit… Ka plot bëma dhe gafa që nuk po i rendis  se na zēnë vend  dhe kohë.

Një gjë është e sigurtë: nuk justifikove për asnjë moment besimin dhe postin e Policisē së Shtetit në shërbim të qytetarëve por  justifikove  deri në fund besimin e kryeministrit Rama për agjendën e tij politike.  Ardi Veliu mos harro kurrë perlën që justifikove  dhunën e policëve mbi një 15 vjeçar: -Shikoni nga çfarë familje vjen ky fëmijë…  Mamaja e tij bën video me pistoletë! Kaq do kishte mjaftuar  që të caktoheshe në një post tjetër.  Prapë mos u mërzit se Rama do të  caktojë një detyrë tjetër se  administrata e  pusht etit  shqiptar ka gjithmonë vend për Ardvelira.