Spanjë, shkatërrohet grupi kriminal shqiptar

Policia spanjolle ka kryer një operacion të madh antidrogë në disa qytete të Katalonjës, duke shënjestruar një organizatë kriminale me origjinë shqiptare, e dyshuar për trafikun e marihuanës.

Kontrollet u zhvilluan në disa magazina, apartamente dhe depo, ndërsa u përdorën forcat speciale dhe dronët për mbështetje ajrore.

Deri tani, janë arrestuar disa persona, të gjithë shqiptarë, dhe është sekuestruar një sasi e konsiderueshme droge.

Ky operacion vjen në një kohë kur bandat e drogës po bëhen gjithnjë e më të dhunshme në Spanjë, me përplasje të armatosura mes grupeve rivale.