Studimi/ Vaksinat Pfizer dhe Moderna janë më pak efektive ndaj varianit Afrikano-Jugor

Përqindja e antitrupave mbrojtës që neutralizuan variantin, i quajtur B.1.351, i cili është regjistruar në 20 shtete të SH.B.A, ishte 12.4 herë më i ulët për goditjen ndaj COVID-19, për Moderna, sesa kundër koronavirusit origjinal dhe 10.3 herë më i ulët për Pfizer, shprehen autorët e studimit.

Për këtë studim, ata përdorën mostra reale të variantit, të marrë nga njerëzit që ishin infektuar me këtë virus. Të dy vaksinat Pfizer dhe Moderna janë autorizuar për përdorim urgjent në SH.B.A. Varianti B.1.351 u zbulua për herë të parë në Afrikën e Jugut në tetor 2020.

Që atëherë është përhapur në 42 vende, duke përfshirë edhe SHBA, ku po qarkullon në të paktën 20 shtete, përfshirë California dhe Texas, thanë Qendrat për Kontrollin dhe Parandalimin e Sëmundjeve. Ka 81 raste të raportuara të B.1.351 në SH.B.A.

Studiuesit zbuluan se aktiviteti i antitrupave nga të dy vaksinat ishte “në thelb i pandryshuar” kundrejt variantit të parë të gjetur në MB, B.1.1.7. Janë 3.037 raste të raportuara në SH.B.A me B.1.1.7, thanë ekspertët, të cilët besojnë se së shpejti do të bëhet lloji dominues në SH.B.A. Studimi është pranuar nga revista shkencore Nature, por nuk është botuar ende.