Të shtënat me armë në Belsh/ 35-vjeçari qëlloi me armë shoferin e autobusit

Policia e Belshit ka zbardhur detaje nga të shtëna më armë në këtë qytet.

Blutë bëjnë me dije se janë njoftuar se një shtetas kishte qëlluar me armë zjarri në drejtim të një personi tjetër.

Pas një orë ndjekjeje, është bërë e mundur kapja dhe vënia në pranga e autorit të dyshuar me iniciale A. D., 35 vjeç, banues në Belsh.

Nga veprimet e para hetimore dyshohet se ky shtetas ka qëlluar me armë zjarri në drejtim të autobusit që po drejtohej nga shtetasi A. T., për motive konkurrence (të ardhurat nga transportimi i pasagjerëve, me autobus).

Si pasojë e të shtënave janë shkaktuar vetëm dëme materiale në autobusin që drejtonte shtetasi A. T.

Ndërkaq, vijojnë veprimet hetimore, për zbardhjen e plotë të rrethanave të kësaj ngjarjeje.