Telefonata e pronarit me të birin:Merri dokumentet dhe digji
“Merri dokumentet dhe digji”, kjo kërkesë e Ferdinant Ibrahimit drejtuar në telefon të birit, ka ngecur në rrjetën e hetimeve të Prokurorisë edhe ortakun dhe administratorin e subjektit Ferlut, përsa i takon hetimeve që po zhvillohen mbi falsifikimin e biletave të transportit urban.
Ferdinand Ibrahimi, administrator
i linjës së Unazës e pronar i “Ferlutit”/ Fatos Vrapi, administrator i “AlbaTrans” dhe Albana Vrapi, administratore e “AlbaTrans”
Siç edhe rezultoi më pas në automjet u gjetën sasira blloqesh me bileta të dyshuara si të falsifikuara. Por siç shpjegohet në dosje hetimore, që tashmë do të shtrihen edhe ndaj tre shoqërive të transportit urban në Tiranë, morën shkas nga një shkresë e shtypshkronjës së letrave me vlerë, drejtuar në fillim të muajit gusht Drejtorisë se Tatimeve.
Dyshimi paraprak u adresohej disa operatorëve, të cilët nuk pajiseshin me bileta nga kjo shtypshkronjë.
Siç tregon një burim i Prokurorisë, inspektorët e tatimeve kryen kontroll me biletat e udhëtarëve në linjat e autobusëve të Porcelanit, që administrohet nga shoqëria “Tirana Urban Trans” dhe në linjën e Tiranës së Re, të administruar nga shoqëria “Alba Trans”.
Nga sekuestrimi i blloqeve dhe këqyrja e tyre është konstatuar falsifikimi me qëllim shmangien e detyrimit tatimor. E pyetur nga prokuroria, administratorja e “Tirana Urban Trans”, tregon se blloqet e biletave tërhiqen pranë Drejtorisë së Tatimeve me mandate arkëtimi ku edhe regjistrohen numrat serial të biletave.
Këto blloqe, shpjegon më tej e dyshuara tërhiqen nga Lulzim Allaraj. Të dy ata janë arrestuar sikurse edhe administratori i shoqërisë “Alba Trans”, Fatos Vrapi.
Krimi ekonomiko financiar sekuestroi në funksion të hetimeve 150 mijë bileta false të gatshme për t’u hedhur në treg.
Të arrestuarit:
Fatos Vrapi
Aldi Duka
Lulzim Allaraj
Klodiana Qato
Erisa Vora
Albana Vrapi
Anastas Ibrahimi
Fredinant Ibrahimi
Top Channel
Keni një histori? Denonco anonimisht, identiteti juaj mbrohet.
Denonco
