Thellohet skandali! Politikanët evropianë u larguan me valixhe plot me para pas takimit me zyrtarët e Katarit

Skandali i korrupsionit në Katar Gate vijon të zgjerohet edhe më tepër pasi mediat kanë publikuar pamjet e politikanëve evropianë me valixhe me para.

La Repubblica ka publikuar së fundmi fotot që dyshohet se tregojnë Francesco Giorgi(bashkëshorti i eurodeputetes Eva Kaili) dhe Antonio Panzeri(ish-anëtar i PE), dy nga “lojtarët” kryesorë në skandalin e shumëpërfolur të Katar Gate , me valixhe me para në një hotel luksoz në Bruksel.

Siç thekson gazeta italiane, fotot janë realizuar gjatë takimit që dy personat kanë pasur me ministrin e Punës të Katarit, Ali Ben Samih al Marri , në një hotel luksoz në Bruksel tetorin e kaluar. Rreth orës 5:30 pasdite, tre Mercedes të zinj dhe parkojnë para hotelit. Të tre janë të regjistruar në misionin diplomatik të Katarit. Nga makinat zbresin përfaqësuesit e qeverisë së Dohas me ministrin e Punës. Ministri shoqërohet nga pesë burra të tjerë dhe njëri prej tyre mban një valixhe.

Më 10 tetor, Antonio Pantcheri mbërrin në Steigenberger Wiltcher’s me një çantë në dukje bosh por që mbushet plot kur të largohet nga hoteli.

Që nga momenti kur u zbulua skandali Katar Gate, Parlamenti Evropian është tronditur. Hetimi i autoriteteve belge vazhdon, duke zbuluar gjithnjë e më shumë prova për “trurin” e skandalit.