Tiranë/ 41-vjeçari xheloz godet me thikë bashkëjetuesen
Një ngjarje e rëndë është regjistruar mbrëmjen e djeshme në Tiranë, ku një 41-vjeçar ka plagosur me thikë partneren e tij, pas një konflikti për motive të dobëta. Ngjarja ka ndodhur në banesën e çiftit, në rrugën “Besim Alla”, në zonën e “Misto Mames”, duke tronditur komunitetin lokal.
Policia ka arrestuar menjëherë autorin e dyshuar, shtetasin Fatlind Cili 41-vjeç ndërsa e plagosura është dërguar me urgjencë në spital, ku ndodhet nën kujdesin e mjekëve. Sipas informacionit zyrtar, konflikti mes çiftit ka degraduar në dhunë fizike, duke përfunduar me përdorimin e një mjeti prerës ndaj gruas. Motiv i ngjarjes dyshohet të ketë qenë xhelozia mes çiftit.
Ngjarja po hetohet nga Prokuroria e Tiranës, ku i janë referuar edhe materialet procedurale. Autoritetet vijojnë punën për zbardhjen e plotë të rrethanave të kësaj ngjarjeje të rëndë në familje, ndërsa viktima pritet të dëshmojë pasi gjendja e saj të stabilizohet.
Keni një histori? Denonco anonimisht, identiteti juaj mbrohet.
Denonco
