Tiranë/ Arrestime në Kadastër për ndikim mbi zyrtarët dhe korrupsion në zgjedhje

Tre persona janë arrestuar në Tiranë dhe një i katërt është dënuar me detyrim paraqitje në një rast ndikimi nga zyrtarëve dhe korrupsioni në zgjedhje të hetuar nga SPAK. Arrestimet janë bërë në Kadastrën e Tiranës.

Me urdhër të SPAK është arrestuar Dritan Stoka, zyrtar i lartë i Kadastrës në kohën kur ky institucion drejtohej nga Artan Lame.

Në prangat e policisë ka rënë edhe Agim Osmani, ndërkohë që gjykata ka dhënë masat e sigurisë “Arrest në shtëpi” për Alqi Hajdinin dhe “detYrim paraqitje” për Ylli Barutin.

Personat e mësipërm akuzohet se kanë kryer korrupsion aktiv dhe shitblerje votash në zgjedhjet parlamentare të vitit 2021.

Nga hetimet ka rezultuar se zyrtarët dhe ish-zyrtarët kanë kryer favore për pronat në këmbim të blerjes së votave.

 Katër personat e mësipërm kanë pasur përplasje dhe debate me njëri-tjetrin në lidhje me aktet korruptive që ata kanë kryer.

Hetimet për këtë dosje vijojnë nga ana e SPAK

I koduar “Ndikimi” u zhvillua nga Sektori për Hetimin e Korrupsionit në Drejtorinë për Hetimin e Krimeve Ekonomike e Financiare, në bashkëpunim me Forcën e Posaçme Operacionale, në Departamentin e Policisië Kriminale, në drejtimin e SPAK-ut.

Gjykata e Posaçme Kundër Korrupsionit dhe Krimit të Organizuar vendosi masën e sigurisë ndaj shtetasve të mëposhtëm:

Dritan Stroka, kryeplak i Saukut, 46 vjeç, banues në Tiranë, me masë sigurie “Arrest në burg”, për veprën penale “Kanosja për shkak të detyrës”;

Agim Osmani, 62 vjeç, banues në Tiranë, me masë sigurie “Arrest në burg”, për veprën penale “Kanosja për shkak të detyrës”;

A. H., 47 vjeç, banues në Tiranë, me masë sigurie “Arrest në shtëpi”, për veprën penale “Goditjet për shkak të detyrës”;

Y. B., 47 vjeç, banues në Tiranë, me masë sigurie “Detyrim paraqitjeje”, për veprën penale “Prodhimi i armëve luftarake”.

Shtetasit e mësipërm dyshohen se kanë kryer në bashkëpunim veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni aktiv në zgjedhje”.