Tiranë/ Makina përplas për vdekje këmbësorin në Astir

Një aksident tragjik ka ndodhur mbrëmjen e sotme në Tiranë. Mësohet se në zonën e Unazës së Re një makinë ka përplasur për vdekje një këmbësor. Ky i fundit ka humbur jetën në vendngjarje dhe ende nuk është identifikuar.

Njoftimi i policisë:

Tiranë/ Informacion paraprak

Më datë 02.04.2023 rreth orës 19:20, në Unazë të Re, shtetasi P. M., duke drejtuar automjetin e tij ka aksidentuar një shtetas, ende të paidentifikuar, i cili si pasojë e aksidentit ka ndërruar jetë në vendngjarje. Grupi hetimor ndodhet në vendngjarje dhe po punon për identifikimin e viktimës dhe sqarimin e rrethanave te aksidentit.