Tjetër drejtor “Rama 2” i dënuar

Bëhet fjalë për Drejtorin e Përgjithshëm të Bordit të Kullimit për rajonin Korçë, Elbasan, Berat që sipas deputetit të LSI-së, Endri Braimllari, shtetasi Nexhip Merolli rezulton i dënuar nga Gjykata e Korçës me akuzën e falsifikimit të vulave dhe formulareve.

Bramillari ka publikuar edhe foto të vendimit gjyqësor për Merollin, si dhe vendimin për emërimin e tij në postin e një prej drejtorive të rëndësishme.

“Edi Rama emëron Drejtorin e Përgjithshëm të Bordit të Kullimit për rajonin Korçë, Elbasan, Berat shtetasin e dënuar me vendim të formës së prerë nga Gjykata e Rrethit Gjygjësor Korçë, Nexhip Merolli. Kryeministri i Drogës riciklon të dënuarit në poste kyçe në administratën publike. Bashkëngjitur gjeni vendimin e Gjykatës dhe urdhrin e emërimit. Kjo është Rilindja e paligjshmërisë!:, shkruan Braimllari.