TRAGJEDIA NË PUKË/ BASHKIA PRANË FAMILJES, MBULON SHPENZIMET E CEREMONISË MORTORE TË 2 VIKTIMAVE
Kryebashkiaku i Pukës, Gjon Gjonaj ka shkuar pranë familjes e cila u përball orët e para të mëngjesit me nje tragjedi ku si pasojë e zjarrit humbën jetën prindërit e 4 fëmijeve.
Gjonaj i ka ofruar të gjithë mbështetjen personale dhe institucionale familjes për të përballuar dhimbjen e madhe si dhe për rindërtimin e banesës.
Kreu i bashkisë ka urdhëruar që shpenzimet e ceremonisë mortore për dy bashkëshortët të mbulohen nga ana e bashkisë, ndërkohë që ka kërkuar përkujdesje shëndetësore për dy të moshuarit, pasi kanë probleme kronike.
Ngjarja e rëndë ndodhi gjatë natës së kaluar në lagjen Va Shënkoll të fshatit Breg, njësia administrative Rrape.
Pasojat e zjarrit që përfshiu banesën kanë qenë fatale, pasi kanë humbur jeten bashkëshortët Petrit dhe Dava Ndoj.
Fatmirësisht kanë mundur të shpëtojne 4 fëmijët, më i madhi prej tyre 12 vjeç dhe 2 gjyshërit.
Keni një histori? Denonco anonimisht, identiteti juaj mbrohet.
Denonco
