Tragjike/ Vrasje e trefishtë në sy të 2-vjeçares, autori i merr jetën nuses së djalit, gruas së tij dhe vetes

Një ngjarje e rëndë ka ndodhur sot në Prishtinë, ku një person ka vrarë nusen e djalit, bashkëshorten  tij dhe më pas edhe veten.

Mediat kosovare shkruajnë se ngjarja ka ndodhur në sy të një vajze të vogël, vetëm 2 vjeçe, e cila dyshohet se ka qenë mbesa e autorit të krimit të trefishtë.

Ngjarja ka ndodhur rreth orës 12:00 në rrugën “Bill Klinton” në Prishtinë, ndërsa policia ende nuk ka bërë me dije rrethanat e ngjarjes së rëndë.

Gazeta “Express” shkruan se autori i krimit është shtetasi me inicialet H.K, i njohur edhe më parë nga organet e policisë, pasi rreth një vit më herët, ai kishte tentuar sërisht të vriste bashkëshorten e tij.

Nga informacionet e para thuhet se autori vuante nga çrregullime mendore, ndërsa ditën e sotme dyshohet se kishte blerë edhe armën e krimit.

Policia e Kosovës është duke punuar për zbardhjen e plotë të ngjarjes së tronditi Prishtinën.