UEFA gati të sanksionojë rëndë 20 klube për shkak të Fair Play Financiar

Siç raporton prestigjiozja britanike “The Times”, 20 klube europiane janë gati të sanksionohen nga UEFA për shkak të thyerjes së Fair Ply Financiar, ku mes tyre përmenden dhe shtatë klube gjigante në kontinent.

Juventus, Inter, Roma, Barcelona, PSG, Marsejë dhe Arsenal janë klubet më të mëdha që rrezikojnë të marrin një masë nga UEFA për shkak të thyerjes së disa rregullave.

Bardhezinjtë dhe katalanasit kanë një problem akoma dhe më të madh me organin më të lartë të futbollit në Europë, për shkak se ishin dy nga tre klubet që vazhduan me idenë për zhvillimin e Superligës dhe refuzuan që të negocionin me UEFA-n.