Ukrainasit marrin sërish nën kontroll qytetin e dytë më të madh në vend

Forcat ukrainase kanë rifituar kontrollin e qytetit të dytë më të madh në vend, Kharkiv. Lajmi është bëri i ditur nga guvernatori rajonal, Oleh Synyehubov.

Në një postim në Telegram, Synyehubov tha: “Kontrolli mbi Kharkiv është plotësisht i yni!

“Forcat e armatosura, policia dhe forcat e mbrojtjes po punojnë dhe qyteti po pastrohet plotësisht nga armiku”- shtoi ai.

Trupat ruse mundën të hynin brenda natës në qytet, dhe u panë mëngjesin e sotëm teksa patrullonin disa nga rrugët e qytetit.

Pamjet e qarkulluara në mediat sociale treguan përleshje të ashpër në rrugë midis trupave ukrainase dhe ruse.

Konfirmimi ka adhur edhe nga civilët në terren, të cilët i kanë thënë gjithashtu BBC-së se Kharkiv është kthyer nën kontrollin e Ukrainës dhe se konflikti në rrugë po lehtësohet.