VIDEO/ Gafa e re e Zegjinesë po bën namin në rrjet

Deputetja e Partisë Socialiste, Zegjine Çaushi, është bërë sërish virale pas fjalimit të saj të fundit në Kuvend, ku u ngatërrua disa herë gjatë nisjes së deklaratës.

Në videon që po qarkullon me shpejtësi në rrjete sociale, Caushi dëgjohet teksa i drejtohet sallës me fjalët:

“I nderuar… Niko na ka ikur. E nderuar zonjë zëvendës krye ëëëëë, kryetare e Kuvendit, të nderuar kolegë të mi të mazhorancës, se opozita e bastisi edhe kësaj here…”

Momenti shkaktoi të qeshura në sallë dhe komente të shumta në rrjet, ku përdoruesit kujtojnë edhe gafat e mëparshme të deputetes gjatë fjalimeve publike.

Kjo nuk është hera e parë që Zegjine Caushi tërheq vëmendje me mënyrën e veçantë të komunikimit në foltoren e Parlamentit. Vetëm pak javë më parë, ajo u bë kryefjalë e mediave pasi u ngatërrua me shifrat gjatë diskutimit për rritjen e pagës minimale, duke deklaruar:

“Do të rritet paga minimale për 3 mijë e 700 mijë e 800 e 5 punonjës…”

Megjithatë, duket se deputetja socialiste nuk e humb entuziazmin, dhe pavarësisht lapsuseve, vijon të jetë një nga figurat më të komentuara të seancave parlamentare.