VIDEO/ Ja pse të gjithë shihnin tarracën në Gjermani-Danimarkë! I riu i maskuar pa ndeshjen mbi fushë, forcat speciale e arrestuan pas takimit

Ndeshja mes Gjermanisë dhe Danimarkës është zhvilluar në kushte shumë të pazakonta jo vetëm për faktin se u ndërpre nga një furtunë e jashtëzakonshme në pjesën e parë të saj. Sot është zbuluar se një person i maskuar ishte fshehur në tarracën e stadiumit, duke krijuar panik e dyshim edhe mbi vijimësinë e ndeshjes.

kushte shumë të pazakonta jo vetëm për faktin se u ndërpre nga një furtunë e jashtëzakonshme në pjesën e parë të saj. Sot është zbuluar se një person i maskuar ishte fshehur në tarracën e stadiumit, duke krijuar panik e dyshim edhe mbi vijimësinë e ndeshjes.

Kjo situatë bëri që të shtyhej paksa edhe fillimi i pjesës së dytë të ndeshjes, teksa u pa edhe gjyqtari Majkëll Oliver të mblidhte Shmajkëll dhe Gyndogan për të diskutuar situatën, duke parë të gjithë nga tarraca e stadiumit.

Megjithatë, ata morën garanci se personi në fjalë nuk ishte një rrezik konkret për lojën, ndaj ndeshja rifilloi. Policia më pas vendosi në dispozicion edhe një helikopter i cili fluturoi gjithë kohës mbi stadium duke e kontrolluar, për të shmangur ndonjë të papritur.

Vetëm në fund të ndeshjes, kur tifozët nisën të largoheshin, forcat speciale iu afruan dhe ia dolën ta arrestonin, duke e larguar nga tarraca mbi stadium. Identiteti i tij dhe arsyet nuk janë bërë të njohur, vetëm është mësuar se ai ishte një 21-vjeçar.