VIDEO/ “Meta i ka lumë borxhesh socialistëve”, Rama sulmon Presidentin: Edhe Mbret ta bëjmë, ai nuk…

Kryeministri Rama në fjalën e tij në Parlament ka sulmuar presidentin, Ilir Meta, duke thënë se u ka borxhe socialistëve të cilët sipas tij e kanë ngritur në poste të rëndësishme, por sipas tij,  ai nuk ka qëndruar drejt.

Sipas Ramës, Ilir Meta edhe po të behej mbret, ai prape nuk do të kënaqej dhe nuk do rrinte drejtë.

“Ky Kuvend sot duhet të ishte Kuvendi i bashkimit dhe opinionit të njëzëshëm, në emër të kombit vëmendjen e shteteve anëtarë të BE, duhej tu drejtohej me rezolutë shteteve për tu kërkuar njohjen e meritës së vendit në përmbushjen e kushteve të vëna prej tyre dhe miratimin e rekomandimit pa kushte të KE për çeljen e negociatave.

Ky Kuvend është i detyruar të merret me akt brutal, të papërgjegjshëm dhe të pa tolerueshëm të Ilir Metës, e pyes shpesh veten çfarë kërkon më shumë Meta nga Shqipëria, kujt i ka bërë Shqipëria më shumë ndere se këtij njeriu, që pa mbushur ende 50 vjeç e ka bërë si askënd në histori edhe kryeministër, edhe kryerat kuvendi edhe president të republikës, kujt më shumë se Metës i janë falur përçarjet, hiletë, skandalet, dhe i është dhënë kaq herë mundësia të rilindje i penduar, i buruar i kthjelluar.

Kujt më shumë se Metës i duhet që t’u lajë shqiptarëve lumin me borxhe që u ka, socialistëve e zgjedhësve të mi borxhet e të gjitha molteve dhe rasteve kur më kanë mbështetur në përpjektë e mia, më kanë toleruar për zararet e mia, më kanë toleruar për rrëshqitjet e mia.

Iliri është mësuar keq, si skam ë keq, ta tundojë zotin e tij, ta përqeshë fatin e i tij, ta shkelmojë të mirën e tij duke u bërë protagonist i një skene ku Metës nuk i mjaftoi roli që ka vendi ku ndodhet dhe maja ku ngjitet. Jo president po mbret të shqiptareve po ta shpallnin, por të të tëra trojeve prapë Meta nuk do të ndihej mirë.

Nuk do të qëndronte drejt, me pangopësinë e tij të pashpjegueshme, me pagjumësinë e i tij të pangushëllueshme. Sot jemi dëshmitar i një tjetër zarari të madh, të dëmshëm e të papranueshëm të presidentit të vendit”, tha Rama.

Sipas Ramës, Ramës, Presidenti u keqpërdor ose u vetëpërdor duke kapërcyer mbi Kushtetutën e vendit.

Rama në Kuvend: Për cilën arsye në botë, Presidenti duhet të bashkohej me zjarrvënësit dhe telashin e historisë, Berishës në përpjekjen e fundit për të ri djegur dhe bërë lëmsh vendin

Për cilën arsye në botë Presidenti i vendit duhet të bëjë një trullues qesharak shkaqesh të paqena për të sajuar një budallallëk që do të shënohej si rast unikal, ka vetëm një arsye që i shpjegon të gjitha më dy fjalë, Ilir Meta, të kërkosh jashtë këtyre dy fjalëve shkaqet e kësaj marrëzie antikushtetuese është e kotë.

Pse u përdor, keqpërdor apo vet përdor Presidenti duke kapërcyer mbi Kushtetutë dhe duke fluturuar tej kufirit të imagjinatës si plumb qorr për të vrarë zgjedhjet në mes të fushatës dhe pse nuk e shfrytëzuam këtë për të ndaluar fushatën dhe pritur si gomari kur të mbijë bari ditën kur ti mbushej mendja partive të Saliut dhe Ilirit për të pasur datë të re zgjedhjesh,

Po e filloj nga vetja meqë bëhet përpjekje e madhe për të më faturuar mua zgjedhjet pa kundërshtarë kryesor dhe për ta devijuar logjikën e kësaj duke e trajtuar si pasojë të kokëfortësisë, autoritarizmit çmendurisë deri edhe në qëllim të fshehtë djallëzor për të provokuar konflikt në Shqipëri.

Çfarë interesi ngushtësisht personal e politik kam unë që të jem kaq i patundur nga bindja se kjo nuk është koha për vete por për fushatë. Këto zgjedhje janë vendore, PS në rang vendor qeveris 75% të territorit, dhe drejton thuajse të gjitha bashkitë, shumica jonë parlamentare është solide dhe mbështetja për mua dhe qeverinë është e palëkundur, qeveria ka njëmijë probleme për tu adresuar, ekonomia goditet, turizmit dëmtohet.

Dhimbje jo e vogël, se ecja në rrugën e 30 qershorit ku nuk kamë asnjë lloj interesi të ngushtë të kthehem në pengesë për qetësimin e situatës dhe asnjë pengesë sikur zgjedhjet të shtyhen qoftë edhe në pafundësi, madje po të isha ngushtësisht i interesuar për mua, personalisht, për karrigen time, por edhe qeverinë tonë, do isha i pari që të hidhesha përpjetë nga gëzimi që presidenti lëshoi një re kaq të madhe nga pantallonat për datën e zgjedhjeve.

Laja duart dhe thoja bravo zoti President absolutisht dakord, ç’firma juaj na e hoqi dhimbjen e kokës, këtu jemi i bëjmë zgjedhjet kur të biem të tërë dakord, ose ia lija fajin Ilirit për ndërprerjen e fushatës duke thënë jazëk të qoftë, ngrija duart lart para shqiptarëve dhe dilja si burrë i urtë dhe i pafajshëm në një lojë marrëzie politike.

Për ta çuar deri në fund absurdin, Shpëtoja unë, nga zgjedhjet të tjera, se me këtë precedentë na jepet mundësi të thoshim nuk duam zgjedhje se ashtu e kemi një punë, se kemi informacione për sulm bërthamor ndaj vendit.

Gjatë fjalës në Parlament, Rama foli për atë që ai thotë se është “koka që i duhet ofruar turmës”.

Rama: Berisha dhe Meta kujtojnë se mund të më largojnë nga detyra me molotovët e Lulit dhe mallkimet e Monikës e kanë gabim. Unë jam shënjestra, koka që i duhet ofruar turmës për ta frymëzuar e sjellë të ndërsyer në bulevard, ndërsa prerja e kërkuar në këtë gjah politik nuk jam unë, por vendi, që duhet ndalur para se të kapërcejë pragun e negociatave dhe të hapë dy kapitujt e parë dhe duke hapur kapitujt e drejtësisë, vendi duhet ti provojë BE e reforma nuk është vetëm një maket, mekanizëm pastrimi i sistemonit të drejtësisë por është shtet i së drejtës, ku qoftë gjykatësit e kapur nga vetingu, politikanët e korruptuar e të paprekshëm mund të këputen si pras nga goditjet e drejtësisë së çliruar nga kthetrat e tyre. Plani është i qartë dhe jo budalla për mbijetesën politike.