VIDEO/ Rrëshqitje masive dherash në Pukë, rrezikohen 12 banesa

Plot 12 banesa rrezikohen në fshatin Dardhë të Bashkisë së Fushë Arrëzit si pasojë e një rrëshqitjeje masive dherash.

Rrëshqitja ka nisur pas reshjeve të dendura të shiut dhe shkrirjes së dëborës, ka përfshirë një sipërfaqe të konsiderueshme, ndërsa favorizohet edhe nga pjerrësia e terrenit dhe erozioni.

Situata në zonë po monitorohet nga trë zgjedhurit vendorë dhe ekspertë të cilët pritet të vendosin për hapat që do të merren në vijim.

Raportimet, thonë se banorët e të paktën 5 banesave duhet të evakuohen për shkak të rrezikut.

Banorët që do të lënë shtëpitë, parashikohet që të pajisjen me çadra, ndërsa do tu vihet në ndihmë edhe me materiale të tjera.