Videot në TikTok të gjyqtares së Elbasanit/ Reagon ministrja e Drejtësisë: Të pakomentueshme!

Në një postim në twitter, Gjonaj thekson se që prej vitit 2019 i ka kërkuar KLGJ verifikimin dhe marrjen e masave pas lirimit të një të dënuari.

Kryegjyqtarja e Elbasanit, Enkeleda Kapedani pic.twitter.com/TXRzwrbC28

— Publik.live (@publik_live) May 31, 2021

Sipas ministres, gjyqtarët si Enkeleda Kapedani janë ata që ende nuk kanë kaluar vettingun.  “Kush e ka turpëruar drejtësinë do të përballet me të deri në fund”, thotë Gjonaj.

“Të pakomentueshme shfaqjet e gjyqtares së Elbasanit dhe për të ardhur keq që qysh prej dhjetorit 2019, i kam kërkuar me shkrim KLGJ-së verifikimin dhe marrje mase për të pas lirimit të një subjekti kriminal.

https://twitter.com/publik_live/status/1399315487159357446?s=21

Tani uroj që jo vetëm të merret masa e duhur, por edhe të hetohet në mënyrë të thelluar gjendja pasurore e kësaj gjyqtareje. Tipike për një pjesë të atyre që nuk kanë kaluar ende Vetingun dhe vijojnë të gërryejnë drejtësinë nga brenda!

#ReformaNukDoNdalet dhe kush e ka turpëruar drejtësinë do të përballet me të deri në fund”, shprehet Gjonaj.

ILD NISI HETIMET

Videot e gjyqtares së Elbasanit duke pozuar ne ambientet e gjykates, por edhe ne makinë u publikuan një ditë më parë nga ‘Hashtag’ dhe më pas u shpërndanë në media.

Në njoftimin e ILD, e cila ka kërkuar nisjen e hetimit disiplinor ndaj kryegjyqtares, thuhet: “Zyra e Inspektorit te Larte te Drejtësisë u njoh me materialet filmike të shpërndara në media mbi magjistraten E.K, kryetare e Gjykatës Elbasan.

Inspektori i Larte i Drejtësisë Artur Metani ka urdhëruar nisjen e hetimit disiplinor ndaj magjistrates per rastin”.

REAGIMI I GJYQTARES

Kryetarja e Gjykatës së Elbasanit, Enkeleda Kapedani ka shpërndarë në media një reagim zyrtar në lidhje me nisjen e hetimit nga ILD për videot e publikuara në Tik Tok në ambientet e zyrës së saj.

“Unë si gjyqtare e kam të ndaluar të komentoj, por do pres me qetësi verifikimin e kësaj situate”, thekson Kapedani, ndërsa thotë se publikimi i tyre ka qëllim dëmtimin e imazhit të saj.

“As si individ as si gjyqtare nuk jam krenare për vidiot e publikuara. Shpresoj që ky sulm mos të jetë ndaj meje sepse jam grua dhe nene.

Ndërsa kërkoj ndjesë për cilindo që është ndjer keq nga ato video”, shprehet gjyqtarja.